Суарес “Барселона” тўпурарлари қаторига кирди (фото)

Каталониянинг “Барселона” клуби форварди Луис Суарес кеча “Жирона”га (6:1) қарши баҳсда ўз номига хет-трик ёздириб қўйишга эришди.

Эътиборлиси, бу 30 ёшли уругвайлик футболчи учун “кўк-анор ранглилар” сафидаги 143-гол бўлди. Шу тариқа Суарес “Барселона”нинг барча даврлардаги энг яхши тўпурарлари рўйхатида 6-ўринга кўтарилиб олди.

Маълумот учун, Суарес жорий мавсум Ла Лигада жами 22та учрашувда иштирок этган ва ўз ҳисобига 20та гол ҳамда 7та голли узатма ёздириб қўйишга эришган.