“The-afc.com”: Чорак финалнинг энг яхши ҳимоячилари

Мақолада ҳамюртимиз Егор Кримец ҳам эътироф этилган ва биз ушбу материални ўзбек тилида эътиборингизга ҳавола этамиз.

4 та кучли жамоа орасидан фақат биттаси 19 декабрь санасида бўлиб ўтадиган финалга йўлланма олиши мумкин. Бу кўп жиҳатдан ҳимоя чизиғида ҳаракат қиладиган футболчиларга боғлиқ.

Султон Ал-Ғаннам (“Ал-Насср”)

Ўнг қанот ҳимоясида Ал-Ғаннам намойиш этаётган кучли ўйин самараси ўлароқ, “Ал-Насср” “Д” гуруҳини пешқадам сифатида якунлади. ОЧЛ рестартидан буён саудияликлар атиги 1 та гол ўтказиб юборди. 

Қитъа миқёсида ўз позициясидаги энг яхшилардан бири ҳисобланадиган Султон 2018 йилда жамоага “Ал-Файсали”дан келиб қўшилган. Ўша мавсумнинг ўзидаёқ, жамоаси билан мамлакат чемпионлигини қўлга киритади. Мана икки йилдирки, жамоаси билан ОЧЛ чорак финалида ўйнамоқда. 

У рақиблардан тўпни олиб қўйиш бўйича “Ал-Айн” футболчиси Цукаса Шиотанидан (17) кейинги кўрсаткични қайд этиб турибди (15). Унинг ҳужумдаги ҳаракатлари ҳам таҳсинга сазовор. 3 та голга ҳаммуаллифлик қилиш орқали ОЧЛ ассистентлари рўйхатини бошқаряпти. Муваффақиятли кросс узатмалар сони бўйича ҳам ҳимоячилар орасида карвонбошилик қилмоқда (4 та). 

d7auypqj7jawraxxpu2b

Лукас Лима (“Ал-Аҳли”) 

“Ал-Аҳли” ўз тарихида 5-маротаба чорак финалда ўйнамоқда. Бу қолган 3 жамоаникидан кўп, демакдир. Ҳимоядаги мустаҳкамликни чап қанот вакили ҳисобланган Лима янада ошириб бермоқда.

3 йиллик “Нант”даги фаолиятдан сўнг, Лукас Лиманинг йўллари Саудияга тушди. 2019 йилда Жиддага кўчиб келган футболчи “Шабаб Ал-Аҳли”га қарши нимчорак финал баҳсида пенальтилар серияси қаҳрамонларидан бирига айланди. 

Лима 34 та дуэлда ғалаба қозона олган ва бу “Ал-Аҳли”даги энг яхши кўрсаткич. Абдулраҳмон Ғарибдан сўнг айнан бразилиялик чап қанот ҳимоячиси энг кўп дриблинг ишлатган футболчи ҳисобланади (17). 

zmznld3bfasa3vqkbmgk

Шожаи Халилзода (“Персеполис”)

Жамоа сардори ва марказий ҳимоя етакчиси Сайид Жалол Ҳусайнининг ёши ўтиб бораётгани сари эронликлар келажакни айнан Халилзода атрофида қурмоқчи. Унинг юқори даражадаги ўйини ҳимоядаги ҳаракатлари билангина чегараланмайди. Шожаи жамоаси учун муҳим голларни киритиб туриши билан ҳам қадрли. 

Саудиянинг “Ал-Аҳли”сига 2 та гол урган ҳимоячининг 3-турда йўллаган чалқанча зарбаси гуруҳ босқичининг безагига айланди. “Шаржа” устидан қозонилган йирик ҳисобдаги ғалабада ҳам Халилзода ҳисобни очиб берганди. 

“Персеполис” футболчиси чорак финалгача 630 дақиқа тўлиқ ҳаракат қилган 2 та футболчининг бири бўлиб турибди (иккинчиси Жалолиддин Машарипов). 

yb2jsefwohzdhefkp1ow

Егор Кримец (“Пахтакор”)

Тошкентликлар чорак финалгача атиги 1 та гол ўтказган ҳолда етиб келди. 2009 йилдан бери биринчи маротаба чорак финалга чиққан жамоага Егор Кримецнинг меҳнати кўп сингяпти. 

28 ёшли футболчи Ўзбекистон миқёсида “Пахтакор”дан бошқа клубда ўйнамаган. 2013-2016 йиллар мобайнида “Бэйцзин Гоань”да ўйнаганини инобатга олмасак, ушбу клубни ўзининг уйи десак ҳам бўлади. Ўзбекистон терма жамоаси таркибида ҳам 38 та учрашувда майдонга тушишга ҳам муваффақ бўлган. 

Фақат битта футболчи Кримецдан кўпроқ зарбаларни блоклай олган (5). Шунингдек, у тўп узатмалар сони бўйича Одилжон Ҳамробековдан (423) кейинги иккинчи натижани қайд этмоқда (422). 

la1fhuoaskoiwmic9qhr

Фикрлар

Фикр қолдириш учун авторизациядан ўтинг!