Трансферлардан соққа қилаётган жамоалар аниқланди

Transfermarkt портали ёзги трансферлар вақтида трансферлардан катта фойда олаётган жамоалар рейтингини тузиб чиқди.

Унга кўра, биринчи поғона жамоа таркибини тозалаётган “Челси”га насиб қилди. Ҳозиргача амалга оширилган чиқиш трансферлари “аристократлар” ғазнасига 221 миллион евро келтиргани қайд этилган.

Иккинчи ўриндан жой олган “Лейпциг” клуби трансфер бошланганидан бери жами 134 миллион еврога ўйинчи сотган.

Кейинги икки поғонани 108 миллион евродан даромад кўрган истеъдодлар “фабрикаси” – “Боруссия Дортмунд” ва “Спортинг” бўлишиб турибди.

Рейтингда етакчилик қилаётган “Челси” мавсум якунланганидан кейин Кай Хаверц, Мэйсон Маунт, Калиду Кулибали, Эдуар Менди, Матео Ковачич ва Рубен Лофтус-Чик каби футболчиларни сотиб юборди.