UFC 281: Adesanya vs. Pereira турнири ҳақида тўлиқ маълумот

8 ноябрь, 2022, 14:02
0
MMA

Бу ҳафта сўнггида бизни навбатдаги супер турнир - UFC 281: Adesanya vs. Pereira мусобақаси кутиб турибди. Хўш, қайси ҳислатларидан келиб чиққан ҳолда мухлисларни якшанба тонгида туришга ва экран қаршисига келишга мажбурлай олишига тўхталамиз.

Ушбу турнирга Нью-Йоркдаги ҳашаматли Madison Square Garden аренасида бўлиб ўтади. Турнирнинг аҳамиятлик жиҳатидан энг юқори даражадаги жанги ўрта вазнда чемпион Исраэль Адесанья (23-1) ва бразилиялик даъвогар Алекс Перейра (6-1) ўртасида бўлиб ўтади. Нигериялик чемпион аллақачон ўзининг олтинчи ҳимоя жангига тайёрланаётган бўлса, унинг рақиби атиги 1 йил олдин промоушен доирасида дебютини ўтказган эди. Масаланинг қизиқарлилиги шундаки, ушбу жангчилар бундан олдин кикбоксинг доирасида икки маротаба жанг қилишга улгуришган ва уларнинг иккаласида ҳам (хаттоки, биттаси чуқур нокаутли орқали) Алекс ғалаба қозонган эди. Аммо, масала энди умуман бошқача. Жанг ММА доирасида бўлиб ўтади ва Иззида Перейрага қараганда анчагина аралаш яккакурашларда тўпланган тажриба мавжуд. Демак, Бу жанг аввалгиларига қараганда умуман фарқ қилиши турган гап. Келинг бира тўла турнир кардини таништириб ўтамиз:

АСОСИЙ КАРД

Исраэль Адесанья - Алекс Перейра;

Карла Эспарза - Вейли Жанг;

Дастин Порье - Майкл Чендлер;

Фрэнки Эдгар - Крис Гутьеррез;

Дэн Хукер - Клаудио Пуэльяс.

ПРЕЛИМ КАРД

Ренато Мойкано - Брэд Ридделл;

Доминик Рейес - Райан Спэнн;

Эрин Бланчфилд - Молли МакКэнн;

Андре Петроски - Веллингтон Турман;

Оттман Азаитар - Мэтт Фревола.

ЭРТА ПРЕЛИМ КАРД

Каролина Ковалькиевич - Силвана Гомез Хуарез;

Майк Тризано - Сеунгву Чой;

Хулио Арсе - Монтель Джексон;

Карлос Ульберг - Николае Негумереану.

Турнир 12-ноябрьдан 13-ноябрьга ўтар кечаси тонгги 04:00 да старт олади. Прелим кард 06:00 да, асосий кард эса 08:00 да бошланади. Ушбу турнир Ўзбекистон бўйича ҳеч қайси телеканалдан трансляция қилинмайди. Аммо, ушбу мусобақани UFC'нинг Ўзбекистондаги расмий трансляцияси ҳуқуқи эгаси Setanta Sports сайти орқали интернетдан томоша қилишингиз мумкин. Қуйида ушбу турнирда иштирок этувчи диққатга сазовор жангчиларнинг фаолиятидаги энг сермазмун жангларни томоша қилишингиз мумкин.