Виталий Кличко: Шаҳар мэри бўлиш боксчи бўлишдан қийинроқ
Ads

Киев мэри Виталий Кличко ҳозирги иши ва боксчилик фаолиятини ўзаро таққослаб кўрди.

Украиналик боксчи Виталий Кличко узоқ йиллар давомида оғир вазн тоифасида жаҳон чемпиони бўлиб келди. Айни дамда эса Киев мэри лавозимини эгаллаб турибди.

Тўғрисини айтаман: бокс бўйича жаҳон чемпиони бўлиш, шаҳар мэри бўлишдан анча осон. Сиёсатда ҳеч қандай қоида бўлмайди. Сизга белдан ҳам уруш мумкин. Ундан пастга ҳам зарба беришлари мумкин ва яна ҳеч қандай танаффус йўқ – иш суткасига 24 соат бўлади ҳамда ҳафтасига етти кун. Бу жуда қийин иш, – дейди Кличко.