Водий дербисини Валентин Коваленко бошқаради

 

Ўзбекистон профессионал футбол лигаси 12 ва 13 май кунлари бўлиб ўтадиган 10-тур учрашувларини бошқариб борадиган ҳакамлар рўйхатини эълон қилди.

12 май куни Намангандаги “Марказий” ўйингоҳда бўлиб ўтадиган “Навбаҳор” ва “Қўқон-1912” жамоалари ўртасидаги учрашувни Валентин Коваленко бошқариб боради. Водий дербиси мақомини олган баҳсда Коваленкога қанотларда Маъмур Саидқосимов ва Андрей Цапенколар ёрдам беришади. Захирадаги ҳакам вазифаси Жасур Мухторов зиммасига юклатилган. “Водий дерби”сини Сайфиддин Эрматов назоратчи ҳакам сифатида, Аҳрор Иноятов эса ПФЛ вакили сифатида кузатишади.

“Навбаҳор” ва “Қўқон-1912” жамоалари ўртасидаги ўйин “Марказий” ўйингоҳда соат 18.00да бошланади. Бир кун олдин ўтадиган ёшлар ўртасидаги баҳс ҳам Намангандаги “Марказий” ўйингоҳда бўлиб ўтади. Ёшлар иштирокидаги ўйин соат 17.00да старт олади.

Матнда хатолик топсангиз, ўша хатони белгилаб, бизга жўнатинг (Ctrl + Enter)