Хакам Карло Анчелоттини МЮга қарши ўйиндан сўнг "жазоладими"?

"Эвертон" бош мураббийи Карло Анчелотти "Манчестер Юнайтед"га қарши АПЛ 28-тури доирасида қизил карточка ишлаб олди.

Италиялик мутаҳассис "мерсисайдликлар"нинг 90+2 дақиқада киритган голи ВАР қароридан сўнг бекор қилингандан кейин учрашув бош хаками Крис Кавана олдига келиб ўз эътирозларини билдишни бошлади ва рефере уни қизил карточка билан жазолади.

Шу тариқа, Анчелотти кейинги учрашувни мухлислар қаторида кузатишга мажбур бўлади.