Холанд энг зўрими?

“Манчестер Сити” хўжайинларидан бири Халдун Ал-Муборак жамоаси “Боруссия” ҳужумчиси Эрлинг Холанд трансферини уддалаганига муносабат билдирди.

- Холанд сўнгги тўрт-беш йил ичида кузатувимизда эди. Узоқ вақт мобайнида унинг ўсишини кузатиб келдик. У истеъдодли ва салоҳиятли ёш ўйинчидан дунёнинг энг зўр ҳужумчиларидан бирига айланди.

Менича, Холанд ғаройиб ҳужумчи сифатида бутун дунёнинг назарини ўзига қаратиб турибди. Футбол оламининг энг қудратли клублари уни ўз сафида кўришни истайди. Холанд улар орасида “Манчестер Сити”ни танлагани бизни жуда хурсанд қилди.

Бу трансфер клубда жуда катта ҳажмдаги ишлар амалга оширилаётганини кўрсатади.

Бундан ташқари, Холанд жамоамизнинг салоҳиятини кўра олган жуда ақлли футболчи экани намоён бўлди. Эрлинг жамоамизнинг бир бўлаги сифатида ўзи ҳам профессионал сифатида катта ўсишга эришади, - деди Халдун Ал-Муборак.