Яя Туре янги мавсумни ҳам АПЛда ўтказиши мумкин

Ёзда "Манчестер Сити"дан кетадиган Яя Туре фаолиятини "Вулверхэмптон"да давом эттириши мумкин.

34 ёшли кот-д’ивуарлик футболчига шунингдек Хитой клубларидан ҳам жиддий таклифлар бўлмоқда. Аммо унинг ўзи яна дунёнинг энг кучли чемпионатида ўйнаш истагини билдирмоқда.

Маълумот учун, "Вулверхэмптон" жорий мавсум Чемпионшип ғолибига айланди ва келаси мавсум премьер-лигада иштирок этиш ҳуқуқини қўлга киритди.