Туриннинг "Ювентус" клуби собиқ бош мураббийи Жижи Майфреди жамоанинг ҳозирги устози Массимилиано Аллегрининг фаолиятини танқид остига олди.

“Ҳозир Аллегри Дибалани “ўлдирмоқда”. Буни бошқача тасвирлай олмайман. У аргентиналик футболчининг ўйнашига имкон бермаяпти. Дибала керакли пайтда майдонга тушгач ўзининг тўлиқ имкониятларини ишга сола олмаслиги мумкин. Чунки у доимий ўйин амалиётига эга бўлмаяпти”, - дейди собиқ мураббий.