Заккерони: Илгари Осиёда 8 та кучли жамоа бор эди, ҳозир эса 17 та

"Баҳрайнга қарши ўйиндан сўнг футболчилар билан суҳбатлашиб олдик ва улар билан кучли ҳамда кучсиз жиҳатларимизни муҳокама қилдик. Футболчиларимдаги иштиёқ мени ғалабага ишонтирмоқда. Ҳиндистонга қарши ўйиннинг илк дақиқалариданоқ ҳужумкорликни оширамиз. 

Ҳозирда Осиёда ҳам футбол ривожланиб бормоқда. Бундан саккииз йил илгари ФИФА рейтингининг дастлабки 100 талигига Осиёдан нари борса 8 та жамоа кирар эди. Ҳозирда эса бу кўрсаткич 17 тага етди. Осиё кубогининг илк ўйинлари ҳам осон  учрашувлар йўқ эканлигини кўрсатиб берди.

Ҳиндистон - яхши шаклланган жамоа ва биламизки, қарши ҳужумда ўйнайди. Улар Таиландга қарши ажойиб учрашув ўтказишди ва ўзларига бўлган ишонч жуда юқори", - деди италиялик мутахассис.

Фикрлар

Фикр қолдириш учун авторизациядан ўтинг!