Бугун Андижон вилояти Хўжаобод туманидаги 17-кар болалар давлат таълим муассасасида Баходирлар ўйини ва тош кўтариш федерацияси вилоят бўлими ҳамда туман Болалар-ўсмирлар стпорт мактаби ҳамкорлигида имконияти чекланган спортчи болалар орасида тош кўтариш спорт тури бўйича вилоят паралимпия терма жамоасига саралаш турнири бўлиб ўтди.

Мусобақада ушбу таълим муассасасида таҳсил олаётган 12 ёшдан 18 ёшгача бўлган ўғил болалар иштирок этишди. Муросасиз курашларга бой кечган турнирда ғолиб бўлган Жавоҳир Ҳалилов, Азамат Ҳайитов, Абдулазиз Ибрагимов, Бобур Алимов, Абдурасул Обидов, Хуршид Сотволдиев, Бунёд Кўпайсинов, Илёс Мўминжонов, Муҳаммадюсуф Сотволдиев, Хуршид Мирзаев, Абдулло Қосимов ва Муҳам-мадали Ҳасановлар вилоят терма жамоасига саралаб олинди.

Энди улар вилоят терма жамоаси сафида жорий йил июль ойида спортнинг ушбу тури бўйича Бухоро шаҳрида бўлиб ўтадиган илк жаҳон чемпионатида иштирок этиш учун кураш олиб боришади.

Бундан ташқари мусобақа якунида ғолибларга ташкилотчилар томонидан махсус диплом ва эсдалик совғалари топширилди.

Суратда: мусобақадан лавҳа.

«SPORTS.uz» сайтида чоп этилган материаллардан нусха кўчириш, тарқатиш ва бошқа шаклларда фойдаланиш фақат таҳририят ёзма розилиги билан амалга оширилиши мумкин.

ТАҲРИРИЯТ ҲАҚИДА

Гувоҳнома: №1002. Муассис: «RENDER SYSTEMS» МЧЖ.

Таҳририят манзили: 100047, Тошкент шаҳри, Истиқбол кўчаси, 15-уй.
Электрон манзил: info@sports.uz.
Телефон: +998 71 233-78-98