EChL: 3 ta klub pley-offda, “Real” va “Liverpul” guruhda qolib ketishi mumkin. Qolganlarda imkoniyat qanday?

5-6 noyabr kunlari Evropa chempionlar ligasi guruh bosqichining 4-tur o‘yinlari o‘tkazildi. Ayni paytga kelib 3 klub muddatidan oldin pley-off masalasini hal etdi. Ular PSJ, “Bavariya” va “Yuventus”. Grandlarning aksariyati keyingi tur navbatdagi bosqich yo‘llanmasiga ega bo‘ladi.

“A” guruhi

Ushbu kvartetda PSJ yuz foizlik natija qayd etdi. E’tiborlisi, parijliklar birorta ham gol o‘tkazib yuborishmadi. Ularnig ortidan “Real” kelmoqda. “Qirollik klubi” oxirgi turlarni yaxshi o‘tkazmoqda. Ammo Zinedin Zidan shogirdlari keyingi turda har qachongidan ham "qo‘rqinchli" ko‘rinayotgan PSJ bilan kuch sinashadi. Ushbu o‘yindagi mag‘lubiyat madridliklarning imkoniyatlarini ancha pasaytirib yuborishi mumkin. Har holda oxirgi uchrashuv “Bryugge” bilan bo‘ladi. Belgiya klubi "Santyago Bernabeu"da durang qayd etgandi.

4-tur, 6 noyabr

Real Madrid - Galatasaroy - 6:0

PSJ - Bryugge - 1:0

№	Jamoalar	O‘	G‘	D	M	To‘plar	O
1	PSJ	4	4	0	0	10-0	12
2	REAL MADRID	4	2	1	1	9-5	7
3	BRYuGGE	4	0	2	2	2-8	2
4	GALATASAROY	4	0	1	3	0-8	1

5-tur, 26 noyabr

Galatasaroy - Bryugge

Real Madrid – PSJ

 

“V” guruhi

Bosh murabbiysiz qolgan “Bavariya” muddatidan avval pley-offga chiqdi. Myunxenliklar tomonidan tor-mor keltirilgan “Tottenxem” keyingi bahsda 3 ochkoni qo‘lga kiritsa, Pochettino jamoasi ham guruh bosqichini hal etishadi.

4-tur, 6 noyabr

Bavariya - Olimpiakos - 2:0

Tsrvena Zvezda - Tottenxem - 0:4

№	Jamoalar	O‘	G‘	D	M	To‘plar	O
1	BAVARIYa	4	4	0	0	15-4	12
2	TOTTENXEM	4	2	1	1	13-9	7
3	TsRVENA ZVEZDA	4	1	0	3	3-13	3
4	OLIMPIAKOS	4	0	1	3	5-10	1

5-tur, 26 noyabr

Tottenxem - Olimpiakos

Tsrvena Zvezda – Bavariya

 

“S” guruhi

“Manchester Siti” bir oyog‘i bilan pley-offda. “Shaharliklar” ayni paytda 10 ochko bilan birinchi o‘rinda borishmoqda. Gvardiola jamoasi 5-turni o‘z maydonida “Shaxtyor”ga qarshi o‘tkazadi. Ushbu bellashuvdagi durang ham mezbonlarni keyingi bosqichga olib chiqadi. Keyingi o‘rinlar uchun “Shaxtyor” va “Dinamo Zg” kurashmoqda.

4-tur, 6 noyabr

Atalanta - Manchester Siti - 1:1

Dinamo Zg - Shaxtyor - 3:3

№	Jamoalar	O‘	G‘	D	M	To‘plar	O
1	MANChESTER SITI	4	3	1	0	11-2	10
2	ShAXTYoR	4	1	2	1	7-9	5
3	DINAMO ZG	4	1	2	1	9-7	5
4	ATALANTA	4	0	1	3	3-12	1

5-tur, 26 noyabr

Manchester Siti - Shaxtyor

Atalanta - Dinamo Zg

 

“D” guruhi

Krishtianu Ronaldu boshchiligidagi “Yuventus” Rossiyada qiyin g‘alabaga erishdi va keyingi bosqichni o‘ylay boshladi. “Atletiko”ning esa Germaniyadagi mag‘lubiyat tufayli pley-off chiqishi ortga surildi. “Matraschilar” keyingi tur Turinga tashrif buyurishadi. Garchi “Yuve”da ortiqcha bosim bo‘lmasa-da, o‘z uyidagi keraksizdek tuyulgan o‘yinda kamida imkoniyatni boy bermaslikka urinadi. Bu esa ikkinchi yo‘llanma oxirgi turda hal etilishini anglatadi.

4-tur, 6 noyabr

Lokomotiv - Yuventus - 1:2

Bayer - Atletiko - 2:1

№	Jamoalar	O‘	G‘	D	M	To‘plar	O
1	YuVENTUS	4	3	1	0	9-4	10
2	ATLETIKO	4	2	1	1	6-4	7
3	LOKOMOTIV	4	1	0	3	4-7	3
4	BAYER	4	1	0	3	3-7	3

5-tur, 26 noyabr

Lokomotiv - Bayer

Yuventus – Atletiko

 

“E” guruhi

Bu guruhda bir qarashda hali hech narsa aniq emasdek. “Liverpul” va “Napoli” katta ehtimol bilan masalani hal qilishlari kutilmoqda. Biroq bu oson bo‘lmaydi. Sababi keyingi turda ushbu jamoalar o‘zaro to‘qnash keladi. Tomonlarning dastlabki uchrashuvida neapolliklar muvaffaqiyat qozonishgandi. Endi durang yoki mag‘lubiyat “Zalsburg”ga as qotishi mumkin. Chunki Avstriya klubi “Genk”ni taslim etish imkoniyati ko‘proq va bu orqali 2-o‘rindagi jamoaga ancha yaqinlashadi. Biroq voqealar rivoji buning aksi bo‘lishi ham mumkin.

4-tur, 5 noyabr

Napoli - Zaltsburg - 1:1

Liverpul - Genk - 2:1

№	Jamoalar	O‘	G‘	D	M	To‘plar	O
1	LIVERPULЬ	4	3	0	1	10-7	9
2	NAPOLI	4	2	2	0	6-3	8
3	ZALЬTsBURG	4	1	1	2	12-10	4
4	GENK	4	0	1	3	4-12	1

5-tur, 27 noyabr

Liverpul - Napoli

Genk – Zaltsburg

 

F guruhi

“Barselona” – “Slaviya” uchrashuvidagi durang turning sensatsion natijasi sifatida qaralmoqda. Kataloniyaliklar o‘z uylarida gol ura olishmadi. “Inter” mag‘lubiyatga uchrab, turnir jadvalida “Borussiya D”ni o‘zidan o‘tkazib yubordi. Vaziyat ancha chigallashmoqda. Bu neytral muxlislar uchun ayni muddao. Chunki keyin bosqich masalasi oxirgi turlarda hal bo‘ladi. Ushbu kvartetda ham shunday bo‘lishi kutilyapti.

4-tur, 5 noyabr

Barselona - Slaviya - 0:0

Borussiya D - Inter - 3:2

№	Jamoalar	O‘	G‘	D	M	To‘plar	O
1	BARSELONA	4	2	2	0	4-2	8
2	BORUSSIYa D	4	2	1	1	5-4	7
3	INTER	4	1	1	2	6-6	4
4	SLAVIYa	4	0	2	2	2-5	2

5-tur, 27 noyabr

Barselona - Borussiya D

Slaviya – Inter

 

G guruhi

O‘rtamiyona klublar joylashgan guruhda germaniyaliklar peshqadamlik qilishmoqda. Portugaliya jamoasi esa hozircha o‘z muxlislari ishonchini oqlamayapti. “Leyptsig” va “Lion” keyingi bosqichga da’vogarlardan.

4-tur, 5 noyabr

Zenit - Leyptsig - 0:2

Lion - Benfika - 3:1

№	Jamoalar	O‘	G‘	D	M	To‘plar	O
1	LEYPTsIG	4	3	0	1	6-4	9
2	LION	4	2	1	1	7-4	7
3	ZENIT	4	1	1	2	5-6	4
4	BENFIKA	4	1	0	3	5-9	3

5-tur, 27 noyabr

Zenit - Lion

Leyptsig – Benfika

 

H guruhi

“Ayaks” bu mavsum ham yaxshigina “bosh og‘rig‘i” bo‘ladiganga o‘xshaydi. Gollandiyaliklar “Chelsi” maydonida g‘alaba qozonayotganida hakam “Ayaks”ning 2 futbolchisini chetlatdi va penalti qo‘yib berdi. Qattiqqo‘l hakamlik bo‘lmaganda, Lempard shogirdlari hisobni tenglashtirishlari juda qiyin edi...

Ushbu kvartetda 3 klub 7 ochkodan to‘plagan. Qolgan o‘yinlarga e’tibor qaratadigan bo‘lsak, “Valensiya” kurashdan chiqishi mumkin. Chunki ispaniyaliklar keyingi turda “Chelsi” bilan kuch sinashishadi. Oxirgi turda esa “Ayaks” maydoniga borishadi. Bu o‘yinlardan omon chiqishning o‘zi amrimahol.

4-tur, 5 noyabr

Chelsi - Ayaks - 4:4

Valensiya - Lill - 4:1

№	Jamoalar	O‘	G‘	D	M	To‘plar	O
1	AYaKS	4	2	1	1	10-5	7
2	ChELSI	4	2	1	1	7-6	7
3	VALENSIYa	4	2	1	1	6-5	7
4	LILLЬ	4	0	1	3	3-10	1

5-tur, 27 noyabr

Valensiya - Chelsi

Lill - Ayaks