Алькасер бугун "Атлетико"га қарши ўйинда иштирок этмайди

Дортмунднинг “Боруссия” клуби форварди Пако Алькасер бугун УЕФА Чемпионлар лигаси гуруҳ босқичи 3-тури доирасида “Атлетико”га қарши баҳсда жамоасига ёрдам беролмайди.

Берилган маълумотларга қараганда 25 ёшли испаниялик футболчи жамоасининг бугунги машғулотларида иштирок этмаган, шифокорлар эса мураббийларга унга бироз дам беришлари лозимлигини айтишган.

Эслатиб ўтамиз, Алькасер Бундеслиганинг ўтган турида “Штутгарт”га (4:0) қарши баҳсда жароҳат олиб майдонни тарк этган эди.

Маълумот учун, «Боруссия» – «Атлетико» учрашуви бугун Тошкент вақти билан соат 00:00да бошланади.