Аллегри 3-марта Италия А Сериясида энг яхши мураббий деб топилди (фото)

Туриннинг «Ювентус» клуби бош мураббийи Массимилиано Аллегри 2017 йил якунларига кўра Италия А Сериясининг энг яхши мураббийи деб топилди.

50 ёшли мутахассис сўровномада «Аталанта» устози Жан Пьеро Гасперини ва «Наполи» бош мураббийи Маурицио Сарриларни ортда қолдиришга эришди. Таъкидлаш лозимки, “Ювентус” ўтган мавсум Аллегри бошқарувида ўзининг кетма-кет 6-чемпионлигини нишонлаган эди.

Маълумот учун, Аллегри ушбу совринни қўлга киритиш бўйича Антонио Конте, Марчелло Липпи ва Фабио Капелло каби машҳур мутахассисларга тенглашиб олди.