"Арсенал" тез орада навбатдаги трансферини эълон қилади

Италиянинг "Сампдория" клуби ярим ҳимоячиси Лукас Торрейра фаолиятини "Арсенал"да давом эттирадиган бўлди. Бу ҳақда клуб президенти Массиво Ферреро айтиб ўтди.

“Торрейра 30 млн еврога кетяпти. Мен уни “Пескара”дан сотиб олганимда, ҳеч ким менга ишонмаганди. Биз бор йўғи 3 миллион сарфлаб таваккал қилган эдик ва якунда адашмадик”, - дейди Ферреро.

Қайд этиш лозимки, 22 ёшли уругвайлик футболчига “Арсенал”дан ташқари шунингдек “Наполи” ҳам кураш олиб борган эди.

Маълумот учун, Торрейра якунланган мавсум А Серияда жами 36та баҳсда иштирок этиб, ўз ҳисобига 4та гол ёздириб қўйишга эришган.