"Атлетико" етакчиларидан бири "Барселона"га қарши ўйнай олади

Мадриднинг “Атлетико” клуби хавбеки Коке Ла Лиганинг 13-туридан ўрин олган “Барселона”га қарши баҳсда иштирок этиши мумкин.

Marca нашри тарқатган хабарга кўра 26 ёшли испаниялик футболчи жароҳатидан соғайиб, жамоанинг умумий гуруҳ машғулотларига қўшилган.

Эслатиб ўтамиз, Коке бунгача “Леганес”, “Атлетик”  ва “Боруссия” Дортмундга қарши ўйинларни ўтказиб юборган эди.

Маълумот учун, “Атлетико” – “Барселона” баҳси 24 ноябрь куни бўлиб ўтади.