"Барселона"дагилар Мессини 40 ёшгача ўйнашига ишонишмоқда

"Барселона" клуби раҳбарияти жамоа сардори Лионель Мессининг 40 ёшгача футбол ўйнай олишига ишонишмоқда.

Le 10 Sport нашри тарқатган хабарга кўра каталонияликларнинг трансфер комиссияси аъзоси Ариедо Брайд бу борада жумладан шундай дейди: “У яқин келажакда футболчилик фаолиятини якунлаш ҳақида ўйламаётганига ишонамиз. У – ноёб чемпион ва ҳали ёш. Менимча у худди Франческо Тотти сингари 40 ёшгача ўйнай олади. Биз умуман унга ўринбосар топиш ҳақида ўйламаймиз, чунки у алмаштириб бўлмас футболчи”.