"Бавария"га қарши баҳс олдидан "Ливерпул"да жиддий йўқотишлар бор

Англиянинг "Ливерпуль" клуби “Бавария”га қарши УЕФА Чемпионлар лигаси 1/8 финал босқичидан ўрин олган дастлабки баҳсда марказий ҳимоячилар муаммосига дуч келди.

The Telegraph нашри тарқатган хабарга кўра Жо Гомес ва Деян Ловрен жароҳати сабаб, Виржил ван Дейк эса дисквалификация сабаб ушбу баҳсни ўтказиб юборишади.

Шу боис мерсисисайдликлар устози Юрген Клопп ушбу учрашувда фақатгина битти марказий ҳимоячи - Жоэл Матипнинг хизматларига таяна олади.

Эслатиб ўтамиз, "Ливерпуль" - "Бавария" учрашуви 19 февраль куни бўлиб ўтади.