Филиппе Коутиньо АПЛда тенгсиз деб топилди

“Ливерпуль” ярим ҳимоячиси Филиппе Коутиньо якунига етган мавсумда АПЛ ўйинларида рақиблар дарвозасига жами 13 та гол киритди.

Бразилиялик иқтидор эгаси шулардан 6 тасини жарима майдончаси ташқарисидан уришга муваффақ бўлди. Шу тариқа, Коутиньо АПЛнинг 2016/17 йилги мавсумида жарима майдончаси ташқарисидан энг кўп гол урган футболчи сифатида тан олинди.

Кучли учликдан Харри Кейн (5 та) ҳамда Златан Ибраҳимович, Гилфи Сигурдссон, Жердан Шакири ва Кевин Де Брюйне (4 тадан) жой олди.