Ҳамдамовнинг жамоаси амалдаги чемпионга мағлуб бўлди

Бугун Россия Премьер-лигасида 25-тур ўйинлари давом эттирилди. Ҳамюртимиз Достонбек Ҳамдамов фаолият олиб борадиган “Анжи” клуби ўз майдонида амалдаги чемпион – “Спартак”ни қабул қилди.

Мазкур ўйинда тажриба ўз сўзини айтиб, москваликлар 4:1 ҳисобидаги йирик ғалабани қўлга киритишди.

Ҳамюртимиз ўйинни асосий таркибда бошлади ва иккинчи бўлим аввалида заҳирага олинди. Шу тариқа, “Анжи” жамғарган очколар сони 24 талигича қолди ва жамоа турнир жадвалида 14-ўринда бормоқда.

Россия Премьер-лигаси. 25-тур

Анжи – Спартак 1:4 (1:3, 0:1)

Голлар: 0:1 – 10 Промес, 0:2 – 14 Промес, 0:3 – 27, пенальти Промес, 1:3 – 36 Лескано, 1:4 – 56 Кутепов.

Анжи – Будаков, Брызгалов, Чансельор, Тетрашвили, Данченко, Антон, Хамдамов (Мусалов, 46), Яковлев, Маркелов (Хубулов, 46), Лескано, Будковский (Калмыков, 85).

Спартак – Селихов, Кутепов, Максимович, Петкович, Комбаров, Пашалич, Зобнин, Ханни (Мельгарехо, 84), Самедов, Промес, Луис Адриано (Зе Луиш, 77).