Испания кубогидаги "Эл-класико" ўзбекистонлик мухлисларга намойиш этиладими?

Хабарингиз бор Испания кубоги ярим финалида “Барселона” ва “Реал” жамоалари ўзаро тўқнаш келишади. Бу эса бизни олдинда яна 2та супер тўқнашув кутаётганини англатади.

Ушбу “Эл-класико”ларни юртимиздаги миллионлаб ишқибозлар ҳам сабрсизлик билан кутаётгани ҳам сир эмас. Аммо, юртимиздаги ҳеч бир телеканал Испания кубоги трансляция ҳуқуқини сотиб олмаган. Бизга етиб келган маълумотларга қараганда Узрепорт ва Футбол ТВ телеканаллари бу борада музокараларни бошлаб юборишган. Лекин, ушбу иш осонликча ҳал бўлмаслиги айтилмоқда.

Эслатиб ўтамиз, бунгача АПЛ, Ла Лига ва А Серия ўйинларини томошабинларга ҳавола этиб келаётган Узрепорт ва Футбол ТВ телеканаллари яқиндан бошлаб Англия кубоги учрашувларини намойиш этишни бошлаган эди.

Маълумот учун, “Реал” ва “Барселона” жамоалари ўртасидаги дастлабки ўйин 6 февраль куни “Камп Ноу”да, жавоб баҳси эса 27 февраль куни “Сантьяго Бернабеу”да ўтказилади.