Жозе Моуриньо: Мен бошқа мураббийларга қараганда кўпроқ жарима тўлайман

“Манчестер Юнайтед” жамоаси бош мураббийи Жозе Моуриньо “Халл Сити”га қарши (0:0) АПЛ 23-туридан кейин ўз фикрларини билдирар экан, ҳакамларнинг унга ва бошқа мураббийларга, хусусан, Юрген Клоппга бўлган муносабатини танқид остига олди.

“Қоидалар жуда бошқача. Кўп гапиришни истамайман, чунки мен катта жарималар тўлайман. Бошқа мураббийларга қараганда анча кўпроқ. ”

Масалан, кеча захира ҳаками мураббийга “Менга сизнинг эҳтиросингиз ёқади, менга бу ёққани учун муаммо йўқ” деди. Бугун эса менга “Жойингизга ўтиринг, бўлмаса трибунага чиқиб кетамиз” дейишди. Ҳакамлар менинг эҳтиросларимни ёмон кўради, шундай экан, жаримага тортилмаслик учун дим ўтираман.