Кьеллини: “МЮ”ни мағлубиятга учратмоқчимиз

“Ювентус” жамоаси ҳимоячиси Жоржо Кьеллини “Манчестер Юнайтед”га қарши ЕЧЛ 3-тур учрашуви олдидан ўз фикрлари билан ўртоқлашди.

“Ҳар икки жамоа учун муҳим учрашув бўлади. Осон бўлмаслигини тушуниб турибмиз. Лекин гуруҳда пешқадам бўлиб олиш учун “МЮ”ни мағлубиятга учратмоқчимиз. Бўлажак ўйинда майдонда ким ҳаракат қилишини мураббий ҳал қилади, таркибмизда юқори даражада ўйнайдиган футболчилар талайгина.

“Манчестер Юнайтед”нинг “Челси”га қарши кечган учрашувининг биринчи бўлимини томоша қилдим. Икки ҳил фалсафани кўриш ёқимли бўлди. Футболни яхши кўрадиганлар учун ҳам зўр беллашув бўлди деб ҳисоблайман”, – деди италиялик футболчи.