Ла Лига президенти: Эль Класико Роналду ва Мессини йўқотмади, улар Эль Класикони йўқотишди

Испания Ла Лигаси президенти Хавьер Тебас узоқ йиллардан сўнг яна Лионель Месси ва Криштиану Роналдусиз ўтадиган Эль Класико ҳақида ўз фикрини билдириб ўтди.

“Эль Класико уларнинг йўқлиги сабаб ҳеч нарса йўқотмайди, аксинча уларнинг ўзлари йўқотишади. Бу юқори даражадаги ўйин ва унда иштирок этадиган жамоалар маълум бир футболчилардан устундирлар”, - дейди Тебас.

Эслатиб ўтами, Роналду “Ювентус”га ўтиб кетгани сабаб, Месси эса жароҳати борлиги сабаб ушбу класикода иштирок этишмайди. Таъкидлаш керакки, бу уларсиз ўтган сўнгги 11 йилдаги илк класико бўлди.