"Ливерпуль" етакчиси "Манчестер Сити"га қарши ўйинни ўтказиб юборади

“Ливерпуль” клуби ярим ҳимоячиси Эмре Жан жароҳатидан тўлиқ соғаймади ва “Манчестер Сити”га қарши ЕЧЛ 1/4 финал илк учрашувини ўтказиб юбориши мумкин, дея хабар беради The Times нашри.

Манбада ёзилишича, германиялик футболчи “Уотфорд” билан бўлган АПЛ 31-тур баҳсида жароҳат олган. Шундай қилиб, у “Манчестер Сити”га қарши 4 апрел куни бўладиган ўйинда жамоадошларига ёрдам бера олмайди. Ўйин Ливерпулда бўлади.

Шунингдек, мазкур баҳсда мерсисайдликларнинг яна бир етакчиси Адам Лаллана майдонга туша олмайди. Унинг қачон сафга қайтиши номаълум.