Месси "Барселона"га қайси футболчиларнинг келишини хоҳламоқда?

Каталониянинг "Барселона" клуби форварди Лионель Месси жамоасининг келаси ёзда амалга ошириши лозим бўлган трансферлари борасида ўз фикрини билдира бошлади.

Don Balon нашри тарқатган хабарга қараганда аргентиналик футбол юлдузи келаси мавсум каталонияликлар сафида Жибриль Сидибе ("Монако" ҳимоячи), Маттайс де Лихт ("Аякс" ҳимоячи) ва Кшиштоф Пентек ("Женоа" ҳужумчи) каби футболчиларни кўришни истамоқда. У шунингдек Усмон Дембеле ўрнига АПЛнинг икки юлдуз футболчисидан бири - Эден Азар ("Челси") ёки Муҳаммад Салоҳни ("Ливерпуль") келишини хоҳламоқда.

Маълумотларга қараганда “Барселона” ёзги трансферлар учун тахминан 300 млн евро харажат қилишни режалаштирган.