"Милан" яна "Ювентус"дан ҳимоячи сотиб олмоқчи

"Милан" клуби "Ювентус" ҳимоячиси Маттиа Кальдаренинг хизматларига жиддий қизиқиш билдира бошлади. Бу ҳақда Football Italia нашри хабар тарқатмоқда.

Юқоридаги манбаанинг ёзишича 24 ёшли футболчи "россонерилар" сафидан тез орада кетиши кутилаётган Леонардо Бонуччининг ўрнини эгаллаши мумкин. 

"Милан"нинг менга қизиқаётганидан хурсандман. Лекин бу масала юзасидан барча ишларни менинг агентим ҳал қилади. Лекин ҳозир ҳам "Ювентус"да ҳаммаси мени қониқтирмоқда", - дейди Кальдаре.

Эслатиб ўтамиз, Кальдаре "Ювентус" сафига 2017 йил 19 млн евро эвазига "Аталанта"дан кўчиб ўтган эди. 

Маълумот учун, "Милан" бундан роппа-роса бир йил муқаддам "Ювентус"дан бошқа бир ҳимоячи - Леонардо Бонуччини сотиб олган эди.