“Нефтчи” Туркиядаги йиғинида ва ниҳоят ижобий натижага эришди

Фарғонанинг “Нефтчи” жамоаси Туркиядаги ўқув-машғулотлар йиғини доирасида навбатдаги ўртоқлик ўйинини ўтказди.

Фарғоналиклар бу сафар назорат ўйинида Арманистоннинг “Широқ” футболчилари билан куч синашиб, 1:1 ҳисобида дуранг ўйнади. “Нефтчи” сафида клубнинг янги аъзоси Музаффар Музаффаров гол киритди.

• "Нефтчи" таркибига камерунлик ҳужумчи келиб қўшилди | Фото

Эслатиб ўтамиз, бундан аввал фарғоналиклар Босния ва Герцеговинанинг “Сараево” клубига 0:1, Болгариянинг “Пирин” клубига 1:2 ҳисобида имкониятни бой берганди.