Роналду "Барселона" - "Реал" учрашуви олдидан нималар деди?

Туриннинг “Ювентус” клуби футболчиси Криштиану Роналду Испания чемпиоанти 10-туридан ўрни олган “Реал” ва “Барселона” ўртасидаги ўйин олдидан ўз фикрларини билдириб ўтди.

– “Барселона”ни ҳурмат қиламан, аммо Мадриднинг “Реал” клуби ҳар доим қалбимда қолади. Умид қиламанки, “Реал” бугунги ўйинда омадга эришади, – дея Роналдунинг сўзларини келтиради AS нашри.

“Барселона” – “Реал” учрашуви бугун “Ноу Камп”да бўлиб ўтади. Ўйин Тошкент вақти билан соат 21:15да бошланади.

“Барселона” 18 очко билан Испания чемпионати турнир жадвалида “Атлетико”дан кейин иккинчи ўринда бормоқда. “Реал” эса 14 очко билан 8-поғонани банд этган.