Роналду ортга қайтишга тайёр

Туриннинг "Ювентус" клуби форварди Криштиану Роналду яна Португалия терма жамоасига қайтишга тайёр.

Football Italia нашри тарқатган хабарга кўра 33 ёшли футболчи ноябрь ойида УЕФА Миллатлар лигаси  доирасида Италия ва Польшага қарши бўлиб ўтадиган ўйинларда терма жамоасига ёрдам беришга тайёр.

Эслатиб ўтамиз, Роналду ЖЧ-2018дан сўнг номаълум муддатга халқаро фаолиятини тўхтатган эди.

Маълумот учун, Криштиану Роналду Португалия терма жамоасида 154та ўйинда майдонга тушган ҳамда 85та гол уришга эришган. У айни дамда терма жамоа тарихидаги энг яхши тўпурар ҳисобланади.