“Шахтёр” бош мураббийига “Эвертон” қизиқмоқда

Украинанинг “Шахтёр” жамоаси бош мураббийи Паулу Фонсека Англиянинг “Эвертон” клуби раҳбарияти эътиборига тушиб қолди.

Украина клуби бош мураббийни ўзида ушлаб қолиш учун унинг шартномасини узайтиришга ва йиллик маошини 9 млн еврогача кўтаришга ҳаракат қилмоқда. Катта эҳтимол билан “Эвертон” бундай суммани мутахассисга таклиф қила олмайди.

Португалиялик мутахассис 2016 йилдан буён “Шахтёр”ни бошқариб келмоқда. У донецкликлар билан Украина чемпиони, мамлакат Кубоги ва Суперкубоги соҳибига айланди. Шунингдек, Фонсеканинг қўли остида “Шахтёр” ЕЧЛнинг 1/8 финалигача чиққан.