Яна бир инглиз клуби рекорд суммага футболчи сотиб олди

Англиянинг «Брайтон» клуби «Валенсия»дан дарвозабон Мэтью Райанни сотиб олганини эълон қилди.

25 ёшли кипер инглиз клуби билан 5 йиллик шартномани имзолади. Райан янги жамоаси сафига 1 июльдан келиб қўшилади. Трансфер суммаси эълон қилинмади. Бироқ бу трансфер клуб тарихидаги энг қимматбаҳо трансфер бўлгани ҳақида айтилмоқда.

Илгарироқ, «Хаддерсфилд» клуби ҳам ўзи учун рекорд сумма эвазига янги футболчи сотиб олгани ҳақида маълумот берган эдик.