Алаба "Реал"да қолишни режалаштиряпти

Мадриднинг "Реал" клуби марказий ҳимоячиси Давид Алаба келажакдаги режаларини аниқлаб олди. Австриялик футболчи Испания клубида қолмоқчи. Бу ҳақда журналист Флориан Плеттенберг маълум қилди.

Манбага кўра, футболчи клуб билан янги меҳнат шартномасига эришиш учун ҳаракат қилади. Алабанинг амалдаги келишуви 2026 йилнинг ёзида ўз ниҳоясига этади. Қайд этилишича, айни пайтда "Реал" раҳбарияти 33 ёшли футболчи билан шартномани узайтиришни режалаштирмаяпти.

Давид Алаба 2021 йилда Мадрид жамоасига эркин агент сифатида келиб қўшилди. "Реал" таркибида фулбэк 120 та ўйин ўтказди. "Қаймоқранглилар" учун Давид бешта гол урди ва тўққизта голли узатмани амалга оширди. Ҳимоячининг "Трансфермаркт"даги нархи 4 млн еврони ташкил қилмоқда.