Албатта, шикоят қиламиз! Бразилия мағлубиятга чидолмаяпти

Карло Анчелотти бош мураббийлигидаги Бразилия терма жамоаси 2026 йилги жаҳон чемпионатининг саралаш турнирида Боливия майдонидаги ўйинда ютқазди.

Мезбонларга ғалаба келтирган голни биринчи бўлимнинг охирида Мигель Терсерос пенальтидан киритди.

Бразилия терма жамоаси ижрочи директори Родриго Каэтано бу учрашувда рўй берган ҳолатлар юзасидан КОНМЕБОЛ ташкилотига шикоят ариза киритилишини маълум қилди.

- Бунақасини ҳеч қачон кўрмаганмиз. Менимча, КОМНЕБОЛга шикоят қилишимиз тўғри қарор бўлади. Лекин бундан қандай самара чиқмаслигинини ҳам яхши биламиз. Пенальтидан кейин ўйин тугади.

Тўғрисини айтсак, биз шундай бўлишини олдиндан билиб, тайёргарлик ҳам кўргандик.

Боливия терма жамоасининг ўзига яраша сифати бор, биз эса, ўзиминикини ривожлантиришимиз керак. Боливия ўз майдонида қанча очко олган ва сафар учрашувларда қандай натижа кўрсатганига эътибор беринг. Бу ерда, яъни Боливияда футбол умуман бошқача спорт тури экан, - деди Родриго Каэтано.