Алонсо бир футболчи учун “Реал”нинг исталган юлдузини сотади

Италия чемпионатида “Ювентус” таркибида порлаётган туркиялик қанот ҳужумчиси Кенан Йилдиз Европанинг бир қатор гранд клублари трансфер нишонида турибди.

Хусусан, “Реал” бош мураббийи Хаби Алонсо ҳам 20 ёшли футболчини олиш учун ўз жамоасидаги ҳар қандай юлдузни сотиб юборишга тайёр. Фақатгина Килиан Мбаппе бундан мустасно.

Кенан Йилдизнинг агенти Жованни Бранчи Tuttomercatoweb сайтига берган интервьюсида ўз мижозига “Қироллик клуби”дан жиддий чорлов бўлаётганини таъкидлади.

Жорий мавсумда Кенан Йилдиз туринликлар сафида барча турнирларда 14 маротаба майдонга тушиб, бешта гол ва олтита ассист муаллифи бўлди.

Футболчининг клуб билан амалдаги шартномаси 2029 йилнинг ярмигача давом этади.  Transfermarkt портали экспертлари Кенан Йилдизни айни пайтда 75 миллион еврога баҳоламоқда.