Алонсо ва Гвардиола “Ливерпуль” юлдузини чақиряпти

“Ливерпуль”нинг Англия Премьер-лигаси чемпиони бўлишига ўз ҳиссасини қўшган Доминик Собослаи Европанинг иккита энг йирик клублари назарига тушди.

Hir TV журналистларининг хабар беришича, 25 ёшли венгриялик футболчиси  “Реал” ва “Манчестер Сити” жиддий қизиқиш билдиряпти.

Маълумотларга кўра, Собослаининг “Ливерпуль”даги йиллик маоши тахминан 7 миллион еврони ташкил қилади. Бу гранд клубларда унинг Позициясисида ўйнайдиган бошқа юлдузларникидан анча кам.

“Ливерпуль” ўз юлдузини ушлаб қолиш учун Собослаига узоқ муддатли янги шартнома бериб, унинг меҳнатини муносиб баҳоламоқчи.

Майдон марказида самарали ўйин кўрсата оладиган венгриялик ярим ҳимоячи 2023 йилнинг ёзида Англияга келгунга қадар, Венгрия, Австрия ва Германия чемпионатларида маҳоратини чарҳлаган.