Аморим: "Стадионни тарк этган мухлислар ўзларини тушкун ҳис қилишади"

Европа лигаси 1/4 финал жавоб учрашувида "Манчестер Юнайтед" "Олд Траффорд"да "Лион"ни қабул қилди. Учрашувнинг 113-дақиқасига келиб манкуниянликлар 2:4 ҳисобида ортда кетишарди, аммо кейинги дақиқаларда икки гол уриб, фантастик камбэк амалга оширишди ва 5:4 ҳисобида ғалаба қозонишди.

Бироқ, "Лион" икки тўп фарқига чиқиб олганидан сўнг, стадиондаги айрим мухлислар уйга қайтиш учун чиқиб кетишди.

МЮ бош мураббийи Рубен Аморим шундай изоҳ берди:

"Мен 4:2 ҳисобида стадионни тарк этган одамларга ачинаман. Балки улар йўлда тирбандликка тушиб қолмаслик учун кетишгандир. Улар энди ўзларини тушкун ҳис қилишади".