Ана ҳолос! "Реал" финалга тайинланган ҳакамларни алмаштиришни талаб қилмоқда

Шанба куни "Барселона" ва "Реал" ўртасида Испания Кубоги финали бўлиб ўтади. учрашув олдидан ўтказилган матбуот анжуманида юз берган воқеалар Мадрид клубини ҳайратга солди. Анжуман давомида финални бошқариши керак бўлган рефери Рикардо де Бургос Бенгоетхеа ҳакамларга бўладиган танқидлар ва бу унинг оиласига қандай таъсир кўрсатаётгани ҳақида гапириб, ўз кўз ёшларини тия олмади.

Аввалроқ "Реал" клубининг расмий телеканали Де Бургоснинг "Қироллик клуби"га қарши ўйинлардаги сўнгги хатоларини жамлаган видео чиқарган эди.

"Cadena COPE" нашрининг хабар беришича, юз берган ҳодисадан сўнг "Реал" Испания футбол федерациясига мурожаат қилиб, яқинлашиб келаётган финал учрашуви учун янги ҳакамлар тайинланишини сўраган. Мадрид клубининг раҳбарияти фикрича, ҳозирги ҳакамларнинг яқинда берган баёнотлари уларнинг холислигини шубҳа остига қўймоқда.