Ана холос! "Барселона" футболчилари Гризманнинг трансферига қарши чиқишмоқда

"Барселона" клуби футболчилари "Атлетико" форварди Антуан Гризманнинг трансферига қаршилик қилишмоқда. Бу ҳақда испаниянинг Sport нашри хабар бермоқда.

Гап шундаки, каталониялик футболчилар Гризманнинг ўтган йил ёзда “Барселона”га ўтишни хоҳламаслиги ҳақида гапирган гапларини ҳали ҳам унутишмаган.

Эслатиб ўтамиз, бундан аввалроқ 28 ёшли франциялик футболчи ёзда “матрасчилар” сафидан кетишини эълон қилган эди. Унга эса “Барселона”дан ташқари шунингдек ПСЖ ва “Манчестер Юнайтед” клублари ҳам кураш олиб боришмоқда.