Ана холос! Бизга Мбаппе керак эмас!

ПСЖ ҳужумчиси Килиан Мбаппе клубдаги вазият туфайли Парижни тарк этиши мумкинлиги ҳақида хабарлар тобора кўпайиб бормоқда.

Яқинда клуб уни 400 миллион еврога қўйиб юборишга рози экани ва асосий даъвогарлар сифатида “Реал” ҳамда “Ливерпуль” борлиги айтилганди.

“Қироллик клуби”га яқин ҳисобланган испаниялик журналист Хосеп Педероль мадридликларнинг Килиан Мбаппе бўйича позициясини ошкор қилди. Унинг таъкидлашича, “Реал” Мбаппени олиш учун курашмайди.

Ўтган ёзда Килиан “Реал”ни узоқ муддат куттириб, катта маблағ ва ваколатлар эвазига ПСЖда қолишни маъқул кўрган эди. Оқибатда, “Реал” трансфер бозоридаги режаларини амалга ошира олмай қолди.