Анчелотти: Бразилиядан кейин фақат битта жамоани қабул қиламан

Бразилия миллий терма жамоасини 2026 йилги жаҳон чемпионатига тайёрлаётган италиялик тажрибали мутахассис Карло Анчелотти келажакда фақат бир клубда ишлаши мумкинлигини маълум қилди.

- Бразилия миллий терма жамоасидан кейин мен фақат бир жамоани шуғуллантиришга рози бўламан ва бу “Реал” бўлади, - деди Карло Анчелотти.

66 ёшли мутахассис профессионал фаолияти давомида икки маротаба “Реал” бош мураббийи бўлиб ишлаган. Анчелотти 2013-2015 ва 2021-2025 йиллар давомида Мадрид клубини муваффақиятли бошқарган.

“Қироллик клуби” футболчилари Анчелотти қўл остида уч маротабадан Европа Чемпионлар лигаси, УЕФА Суперкубоги, икки мартадан Испания чемпионати, мамлакат кубоги ва Суперкубогини қўлга киритган.