Анчелотти бугуннинг ўзидаёқ жамоани тарк этиши мумкин. Агар...

Бугун "Реал Мадрид" муҳим учрашувда "Атлетик Билбао"га қарши майдонга тушади. Ушбу баҳс нафақат жамоа учун, балки бош мураббий Карло Анчелоттининг келажаги учун ҳам ҳал қилувчи аҳамиятга эга бўлиши мумкин. 
  
"Relevo" нашрининг хабар беришича, агар "қироллик клуби" бу учрашувда мағлубиятга учраса, Анчелоттининг лавозимини тарк этиши мумкинлиги ҳақида клуб ичида жиддий фикрлар мавжуд. Жамоа раҳбарияти чемпионлик пойгасидаги имкониятларни сақлаб қолишни хоҳламоқда ва йўқотилган очколар вазиятни мураккаблаштириши мумкин. Ҳаттоки, бугунги дуранг ҳам италиялик мутахассисни сақлаб қола олмаслиги мумкин. 
  
Анчелоттининг шартномаси 2026 йилгача амал қилса-да, кейинги ҳафта ва ойлардаги натижалар унинг "Сантяго Бернабеу"даги келажагини белгилаб бериши мумкин. 
  
Маълумот ўрнида, бўлажак учрашув 20 апрелдан 21 апрелга ўтар кечаси соат 00:00 да старт олиши режалаштирилган.