Анчелотти: "Мен ундай футболчини бошқа кўрмадим"

Карло Анчелотти Криштиану Роналду муваффақиятининг сири унинг профессионаллигида эканлигини таъкидлади.

- Роналду жисмоний ва техник жиҳатдан катта табиий истеъдодга эга. У бу хусусиятларни ўзига хос жиддийлик ва профессионаллик билан янада бойитди.

Мен ҳеч қачон бундай эътиборли, пухта тайёргарлик кўрган, диққатини тўла жамлай оладиган футболчини кўрмаганман.

У шубҳасиз, тайёргарлик борасида бошқаларга намуна бўла олади, - деди "Реал" бош мураббийи Карло Анчелотти "РСИ"га берган интервьюсида.

Маълумот учун, "Ан-Наср"нинг 40 ёшли португалиялик ҳужумчиси Саудия Арабистони чемпионатининг жорий мавсумида 26 та ўйинда 23 та гол урди.