Анчелотти: "Ўзим “Реал”га қўнғироқ қилдим"

"Реал Мадрид" бош мураббийи Карло Анчелотти клубга ўз ташаббуси билан қайта келганини айтди.

– Аслида мен ўзим уларга қўнғироқ қилдим. Ундан олдин “Эвертон”да ишлаётган пайтимда улардан футболчи бор-йўқлигини сўраган эдим – натижада Хамес Родригесни олдик. Кейинги мавсумда эса улар мураббий излаётганини эшитдим ва шунда айтдим: “Сизларга яхши мураббий керак" деб улар билан боғландим, – деди италиялик мутахассис RSI нашрига берган интервьюсида.

Маълумот ўрнида, италиялик мутахассис 2021 йилдан буён "Реал"да ишлаяпти. У клубни аввал 2013–2015 йилларда ҳам бошқарган эди.