Анчелотти тўртинчи голдан кейин “Барса” вакиллари билан нега жанжал бўлганини айтди

Испания чемпионатининг 11-турида “Реал” футболчилари ашаддий рақиб – “Барселона”ни қабул қилиб, йирик 0:4 ҳисобида аламли мағлубиятга учради.

Тўртинчи голдан кейин “Барселона” захира ўриндиғи ёнида мезбонлар билан можаро келиб чиқди.

Карло Анчелотти бунинг сабабини қуйидагича тушунтириб берди.

- “Барселона” захира ўриндиғи ёнидаги можаро Ханс-Дитер Фликнинг ёрдамичиси туфайли келиб чиқди. У ўзини жентльменлардек тутмади ва голни бизнинг захира ўриндиғимизга қараб, нишонлади. Флик бизнинг фикримизга қўшилди, - деди Карло Анчелотти.

Бу вазиятдан кейин Анчелотти Фликнинг олдига бориб, вазият бўйича ўз эътирозларини билдирди.