"Андижон" бир қатор ўйинчилар билан хайрлашди

"Андижон" клуби янги мавсумга тайёргарлик кўриш жараёнида селекцияга алоҳида аҳамият қаратаётгани бор гап.

Бир қатор футболчилар билан шартномалар имзоланаётган пайтда жамоани тарк этаётган футболчиларнинг бўлиши ҳам табиий.

Клуб матбуот хизматининг хабар беришича, Игорь Литовка, Леван Арвеладзе, Фарҳод Бекмуратов, Абинур Нуримбет, Марлен Чобанов, Вагиз Галиулин ва Максим Сарраф билан дўстона равишда хайрлашишган. 

Яқинда Арвеладзе билан Бекмуратов "Локомотив" билан шартнома имзолашди. Чобанов эса "Шўртан"га ўтди.