Андрей Аршавин Россиянинг ОФКга ўтишига қарши

Ўз вақтида "Арсенал"даги ўйинлари билан кўпчиликнинг эътиборига тушган футболчи Андрей Аршавин Россиянинг ОФКга қўшилиши борасида ўз фикрларини билдириб ўтди.

"Россия терма жамоаси ОФКга ўтиши керакми? Мен у ерга боришга шошилмаган бўлардим. 

Бу ҳақда ўйлашга ҳали жуда эрта. УЕФАда қолганимиз маъқул. Халқаро турнирларга қайтишни кутишимиз керак. Бошқа йўлни тўғри, деб ҳисобламаган бўлардим", - деди таниқли футболчи.

Эслатиб ўтамиз, Россия икки кун олдин Тожикистон билан нурсиз дуранг қайд этган - 0:0. Эртага эса россияликлар ҳамюртларимизга қарши саф тортади.