АПЛнинг март ойидаги энг яхши футболчиси аниқланди

"Арсенал" ярим ҳимоячиси Букайо Сака Англия премьер-лигасининг март ойидаги энг яхши футболчиси деб топилди. Бу ҳақда премьер-лига матбуот хизмати хабар бермоқда.

Сўнгги бир ой ичида Сака чемпионатда "Арсенал"нинг тўртта ўйинида қатнашиб,  3 та гол урди ва 2 та голли узатмани амалга оширди.

Эслатиб ўтамиз, Артета жамоаси ҳозирда АПЛ турнир жадвалида пешқадамлик қилмоқда. "Канонирлар" навбатдаги ўйинни 1 апрель куни ўз майдонида "Лидс"га қарши ўтказади.