Аргентина ва Португалия сардорлари “The Best”да кимга овоз берди?

ФИФА талқинига кўра, жорий йилнинг энг яхши футболчиси сифатида Усмон Дембеле эътироф этилиб, “The Best” совринига сазовор бўлди. Мазкур мукофот ғолибини аниқлашда терма жамоалар сардорлари, журналистлар ҳамда бош мураббийларнинг овозлари инобатга олинди.

Аргентина ва Португалия терма жамоаларида бу масъулиятли вазифани мос равишда Лионель Месси ва Бернарду Силва бажарди.

Месси ўз овозида Усмон Дембелени биринчи ўринга лойиқ кўрди. Иккинчи поғонага Килиан Мбаппени, учинчи ўринга эса Ламин Ямални жойлаштирди.

Бернарду Силва эса биринчи ўрин учун ўз ватандоши Витиньяга овоз берди. Кейинги ўринларда Нуно Мендеш ва Усмон Дембеле қайд этилди.

Шунингдек, ҳар икки терма жамоа бош мураббийларининг танлови билан қуйида танишишингиз мумкин:

Лионель Скалони (Аргентина):

1. Килиан Мбаппе
2. Педри
3. Ламин Ямал

Роберто Мартинес (Португалия):

1. Нуно Мендеш
2. Витинья
3. Ламин Ямал